Иако пролетта е сезона кога речиси и да не носиме темни нијанси и целосно им се препуштаме на светлите тонови, особено се истакнува една боја што ги поврзува сите пролетни парчиња без разлика на трендовите – белата!

Секоја година, традиционално, на 20 – ти мај се прославува Денот на Levi’s 501 фармерките кои веројатно имаат подолга историја од било кое друго парче потпишана со речиси 150 години.

Инспирацијата за летната кампања ја најдовме во убавините што со себе ги носеше летото порано, оние на кои заборавивме изминатиот период, а сè уште се тука и постојат.

Сакајќи да ви ја олесниме потрагата по комбинациите со кои никогаш нема да погрешите, а истите секогаш се потпишани како минималистички, овој понеделник ви предлагаме пет стајлинзи со кои нема да останете незабележани.  

За да сме целосно подготвени за сите убавини што допрва доаѓаат, овој петок правиме преглед на најстилските фустани од нашите нови колекции кои се како создадени за оставање впечаток. Со олабавувањето на мерките дојде нова надеж дека можеби повторно ќе се радуваме на убавите настани кои порано ни беа секојдневие, а на кои последнава година целосно заборавивме.   Токму тие настани секогаш ни беа повод да ги направиме најубавите комбинации, односно, да ги промовираме сите оние фустани во кои се вљубивме на прв поглед.   За да сме целосно подготвени за сите убавини што допрва доаѓаат, овој петок правиме преглед на најстилските фустани од нашите нови колекции кои се како создадени за оставање впечаток.   Топлите пролетни денови секогаш асоцираат на забави на отворено, па иако се чини и оваа сезона можеби истите ќе не заобиколат, сепак, дефинитивно ќе се случи некоја од помали размери.   Кога говориме за свечените прилики, спојот на елегантно и тренди е дефинитивно нешто што секогаш се истакнува, па токму такви модели на стилски фустани ќе најдете во новите колекции на секој наш бренд.   Без разлика дали се работи за роденденот на вашата најдобра пријателка или пак можеби некоја мини свадба, не двоумете се и одберете впечатлив модел на фустан во кој благодарение на неодоливите материјали, ќе се чувствувате прекрасно.   Сите модели што ги издвоивме, па дури и оние што ги гледате на следниов линк, се во неодоливи свежи бои кои се како создадени за топлите денови што се пред нас.   Дел од изборот што го гледате се и омилените за ова лето, кошула-фустани со кои никогаш нема да погрешите, а од кои мора да имате барем еден примерок во вашиот плакар.   Истите се совршени за деновите кога сакате да оставите впечаток на работното место, а немате многу време наутро, но подеднакво се привлечни и за некоја мини прослава во вечерните часови.   За сите оние пак кои секогаш и се враќаат на класиката со модерен твист, нашите брендови повторно создадоа мали црни и бели фустанчиња во кои секогаш вреди да се инвестира без оглед на сезоната.   Одберете го вашиот фаворит од нашиот избор и оставете простор за мини шопинг овој петок во кој секогаш толку уживаме!    

Доколку поради некоја причина на 8 – ми март не и го кажавте она што имавте на вашата мајка или пак не успеавте да ја израдувате со некој подарок, оваа недела е вистинскиот момент за тоа.