Што ќе носиме на пролетните венчавки?

Со оглед на тоа што ситуацијата се чини полека се враќа во нормала, а веројатно веќе знаете дека многу наскоро повторно ќе уживаме во семејните веселби, иако овојпат во помал број, но сепак, вистинско време е да блеснеме!

Ако можеби заборавивте како се подготвувавме за овие настани, ние сме тука да ве потсетиме дека секогаш на прво место ги стававме најубавите и највпечатливите фустани и истите ги надополнувавме со најстилските модни додатоци.

Бидејќи оваа сезона на венчавки се чини е сосема поинаква од било која друга, тоа значи дека без проблем можеме да експериментираме со изборот на парчиња во кои ќе се појавиме и навидум сосема обичниот пролетен фустан да го претвориме во wow ефект.

Доволно е на истиот да му додадете сандали на висока потпетица и впечатливи обетки и да го освоите просторот кога ќе се појавите на прославата.

Иако црниот фустан во нови форми останува класика кога се венчавките во прашање, сега конечно е време да не обземе цветниот принт и интензивните пролетни бои кои секогаш се толку привлечни.

Можеби фустаните се „ѕвездите“ кога станува збор за пролетните веселби, но верувајте дека нема да погрешите и доколку одберете комбинезон во некоја интензивна боја дополнително истакнат со високи потпетици и впечатлива шминка.

Оваа сезона, вистински хит се неодоливите боемски принтови кај фустаните, а доколку на истите им ја додадете „тежината“ што отворениот грб ја носи со себе, тогаш вие сте гостинката на пролетната венчавка што ќе остави најголем впечаток.

Она што е поважно од сè останато, е со себе да го понесете најдоброто расположение на било која пролетна прослава и да уживате во веселбите што толку долго ги чекавме.

Кој е вашиот фаворит во кој ќе блеснете на првата пролетна венчавка оваа сезона? Нашите, ги гледате во продолжение!

Купувајте онлајн каде и да сте. Преземете ја бесплатната мобилна апликација FashionGroup: