Месец мај го започнуваме со шик парчиња од Timberland

На листата на нашите омилени брендови за оваа топла сезона без сомнение меѓу првите се искачи и Timberland чии парчиња секогаш носат приказна со себе.

Веројатно веќе знаете дека брендот години наназад целосно се насочува кон зачувување на Планетата и во најголем дел одбира природни материјали, па тоа му дава уште поголема тежина кога е вистинскиот избор во прашање.

За топлите денови што следат, брендот подготви целосно нова колекција во која вметна некои од омилените класици како поло маичките и оние со препознатливото лого, но и ултра удобни патики и стилски сандали за уживање во високите температури.

За материјалите од кои се изработени сите парчиња од колекцијата на Timberland повеќе и не говориме, со оглед на тоа што веројатно го знаете чувството кога носите парче од брендот.

Оваа сезона, не заборавајте ја и соработката на Timberland со брендот на познатиот музичар Pharrell Williams, Billionaire Boys Club и колекцијата едноставно наречена „The Bee Line“.

Во истата, ќе најдете маички на куси ракави и дуксери во кул бои, со пчелите како мотив и како тренд што момците го обожаваат сезонава.

Иако и овојпат целата колекција е тотално урбана и има парчиња за сечиј вкус и комбинации, сепак, акцентот повторно се става на маичките на куси ракави како ултимативно парче што ќе ги одбележи топлите денови.

Високите температури се чини дојдоа побрзо од очекуваното, но тоа не значи дека момците треба да се откажат од стилските кошули, особено од оние во светли нијанси кои се совршен избор за во канцеларија.

Она што треба да го знаете кога говориме за Timberland, е дека во моментов се актуелни неколку промоции поврзани со брендот, па така, доколку купите еден производ ќе добиете -10% намалување, а за два 20%.

Подеднакво привлечна е и понудата на две поло маички со потпис на брендот кои сега ги добивате за 5.990 денари, а истите можете да ги комбинирате во буквално секој пролетен стајлинг.